கண்ணோட்டம்

ஆகஸ்ட் 2021 தனுசு ராசிப் பலன்கள்
சூரியன் உங்கள் ராசியின் 8 மற்றும் 9ஆம் வீட்டில் இந்த மாதம் சஞ்சரிப்பதால் நீங்கள் எந்த பலனையும் எதிர் பார்க்க முடியாது. செவ்வாய் உங்கள் ராசியின் 9ஆம் வீட்டில் சஞ்சரிப்பதும் சிறப்பாக இல்லை. புதன் இந்த மாதம் உங்களுக்கு கலவையானப் பலன்களைத் தருவார். சுக்கிரன் இந்த மாதத்தின் முதல் பாதியில் நல்ல நிலையில் சஞ்சரிப்பார்.

ராகு உங்கள் ராசியின் 6ஆம் வீட்டில் சஞ்சரித்து உங்களுக்கு நல்ல உதவிகளை செய்வார். ஆனால், கேது உங்கள் ராசியின் 12ஆம் வீட்டில் சஞ்சரிப்பது சிறப்பாக இல்லை. குரு மற்றும் சனி பகவான் வக்கிர கதி அடைந்த நிலையில் சஞ்சரிப்பதால், நீங்கள் கலவையானப் பலன்களைப் பெறுவீர்கள். மொத்தத்தில் இந்த மாதம் உங்களுக்கு ஏமாற்றங்கள் அதிகம் இருக்கும். நீங்கள் எதை செய்தாலும், அதில் தேக்க நிலை ஏற்படலாம்.
நீங்கள் பொறுமையாக இருந்து, செப்டம்பர் 16, 2021 வரை உங்களுக்கு நடந்து கொண்டிருக்கும் இந்த சோதனை காலத்தை நீங்கள் கடக்க முயற்சி செய்ய வேண்டும். செப்டம்பர் 16, 2021 க்கு பிறகு நீங்கள் சற்று நிவாரணத்தை காண்பீர்கள். அக்டோபர் 2021 வாக்கில் உங்களுக்கு நல்ல அதிர்ஷ்டம் உண்டாகும்.