கண்ணோட்டம்

ஜனவரி 2021 மீன ராசி பலன்கள்
சூரியன் உங்கள் ராசியின் 1௦ மற்றும் 11ஆம் வீட்டில் சஞ்சரித்து உங்களுக்கு நல்ல செய்திகளை கொண்டு வருவார். சுக்கிரன் உங்களுக்கு கலவையான பலன்களைத் தருவார். புதன் உங்கள் ராசியின் 11ஆம் வீடான லாப ஸ்தானத்தில் சஞ்சரித்து உங்கள் பண வரத்தை அதிகரிப்பார். செவ்வாய் உங்கள் ராசியின் 2ஆம் வீட்டிற்கு பெயர்ந்ததால், நீங்கள் உங்கள் உடல் நலத்தை முற்றிலும் பெறுவீர்கள்.

ராகு உங்கள் ராசியின் 3ஆம் வீட்டில் சஞ்சரித்து உங்கள் அதிர்ஷ்டத்தை பல மடங்கு அதிகரிப்பர். சனி பகவான் மற்றும் குரு உங்கள் ராசியின் 11ஆம் வீடான லாப ஸ்தானத்தில் சஞ்சரித்து உங்கள் வளர்ச்சியையும், வெற்றியையும் மேலும் அதிகரிப்பார்கள். முக்கிய கிரகங்கள் இணைந்து உங்கள் ராசியின் லாப ஸ்தானத்தில் சஞ்சரித்து உங்களுக்கு பண மழையை உண்டாக்குவார்கள்.
கோச்சார கிரகங்களின் அடிப்படையில் உங்களால் இப்படி ஒரு பொற்காலத்தை எதிர்பார்க்க முடியாது. இந்த சஞ்சாரம் மற்ற ராசிக்காரர்களை விட மீன ராசிக்காரர்களுக்கு மிகவும் பலன் தரக்கூடிய சஞ்சாரமாக இருக்கும். இந்த மாதமும் நீங்கள் தொடர்ந்து சிறப்பான வெற்றிகளைப் பெறுவீர்கள். உங்கள் குடும்பம் சமுதாயத்தில் நல்ல பெயரையும், புகழையும் பெரும்.

உங்களுக்கு நல்ல பலன்கள் கிடைக்கவில்லை என்றால், நீங்கள் உங்கள் பிறந்த சாதகத்தை பார்க்க வேண்டும். உங்கள் சோதிடரை அணுகி, உங்கள் சாதகத்தில் இருக்கும் பிரச்சனைகளை புரிந்து கொள்ள முயற்சி செய்யுங்கள்.