உடல் நலம்

செவ்வாய் உங்கள் ஜென்ம ராசியில் சஞ்சரித்து தொடர்ந்து உங்கள் உடல் நலத்தை ஜூலை 19, 2021 வரை பாதிக்கக் கூடும். ஆனால் சுக்கிரன் உங்கள் ஜென்ம ராசியில் சஞ்சரித்து நீங்கள் விரைவாக குணமடைய உதவி செய்வார். செவ்வாய் உங்கள் ஜென்ம ராசியில் இருந்து பெயர்ந்ததும், நீங்கள் மீண்டும் உங்கள் ஆரோக்கியத்தை இந்த மாதத்தின் இறுதி வாரத்தில் பெறுவீர்கள். கேது உங்கள் ராசியின் 5ஆம் வீட்டில் சஞ்சரித்து உங்களுக்கு மனக் கவலை மற்றும் பதற்றத்தை உண்டாக்குவார்.
உங்கள் வாழ்க்கைத் துனை, குழந்தைகள், பெற்றோர்கள் மற்றும் குடும்பத்தினர்களின் உடல் நலம் பாதிக்கக் கூடும். நீங்கள் உங்கள் குடும்பத்தினர்களுக்கு போதிய மருத்துவ காப்பீட்டை எடுத்துக் கொள்வது நல்லது. சிவனை வணங்கி தியானம் செய்து வருவதால் சற்று ஆறுதலாக இருக்கும். ஹனுமான் சாலிசா மற்றும் சுதர்சன மகா மந்திரம் கேட்பதால் உங்கள் பிரச்சனைகளின் தாக்கம் குறையும்.