கண்ணோட்டம்

ஜூன் 2021 விருச்சிக ராசி பலன்கள்
சூரியன் உங்கள் ராசியின் 7 மற்றும் 8ஆம் வீட்டில் சஞ்சரிப்பதால் இந்த மாதம் உங்களால் நல்ல பலனை எதிர்பார்க்க முடியாது. புதன் உங்கள் ராசியின் 7ஆம் வீட்டில் வக்கிர கதி அடைவதால் உங்களுக்கு நல்ல பலனைத் தருவார். சுக்கிரன் உங்கள ராசியின் 8 மற்றும் 9ஆம் வீட்டில் சஞ்சரித்து உங்களுக்கு நல்ல அதிர்ஷ்டத்தை தருவார். செவ்வாய் உங்கள் ராசியின் 9ஆம் வீடான பாக்ய ஸ்தானத்தில் சஞ்சரித்து உங்கள் மன பதற்றத்தை குறைப்பார்.

ராகு மற்றும் கேது இந்த மாதம் சாதகமான நிலையில் சஞ்சரிக்கவில்லை. சனி பகவான் உங்கள் ராசியின் 3ஆம் வீட்டில் வக்கிர கதி அடைந்து தாமதங்களை ஏற்படுத்துவார். ஆனால் குரு வக்கிர கதி அடைந்து உங்களுக்கு நல்ல பலனைத் தருவார். மொத்தத்தில் இது உங்களுக்கு முன்னேற்றம் தரக்கூடிய மாதமாக இருக்கும்.
உங்கள் உடல் நலம் பாதிக்கப்பட்டாலும், உங்கள் உத்தியோகம், நிதி நிலை மற்றும் உறவுகள் குறித்த விடயங்கள் சிறப்பாக இருக்கும். உங்களுக்கு கிடைத்துள்ள வாய்ப்புகளை பற்றிக் கொண்டு உங்கள் வாழ்க்கையில் செட்டிலாகி விட முயற்சி செய்யுங்கள். மூச்சு பயிற்சி செய்து நேர்மறை சக்திகளை விரைவாகப் பெறுங்கள்.