வேலை / உத்தியோகம்

குரு, சனி பகவான், மற்றும் செவ்வாய் நல்ல நிலையில் இந்த மாதம் சஞ்சரிக்காததால் உங்களுக்கு வேலை பளுவும் பதற்றமும் அதிகரிக்கும். அலுவலகத்தில் நடக்கும் அரசியல் மற்றும் உங்களுக்கு எதிரான சதியால் நீங்கள் மிகவும் மோசமாக பாதிக்கப்படுவீர்கள். நீங்கள் 24/7 வேலை பார்த்தாலும் உங்களால் அதற்கான அங்கீகாரத்தைப் பெற முடியாமல் போகலாம். மாறாக, ப்ரோஜெக்ட்டில் ஏற்பட்ட தோல்விக்கு நீங்கள் குற்றம் சாட்டப்படுவீர்கள். உங்கள் மகா தசை சாதகமாக இல்லை என்றால், நீங்கள் மார்ச் 18, 2022 வாக்கில் உங்கள் உத்தியோகத்தை இழக்க நேரலாம்.
நீங்கள் எவ்வளவு கடினமாக வேலை பார்த்தாலும் உங்களால் உங்கல் மேலாளரை மகிழ்ச்சி அடையச் செய்ய முடியாது. உங்கள் எதிர்பார்ப்புகளை குறைத்துக் கொண்டு அடுத்த 7 வாரங்களுக்கு நீங்கள் உங்கள் வாழ்வாதாரத்திற்காக உங்கள் உத்தியோகத்தை பாதுகாத்துக் கொள்ள முயற்சி செய்வது நல்லது. புது வேலை வாய்ப்புக்கு முயற்சி செய்வதை தவிர்த்துவிடுங்கள். ஏனென்றால், நீங்கள் நேர்காணலில் சிறப்பாக செயல்பட்டாலும், உங்களால் இப்போது புது வேலை வாய்ப்பை பெற முடியாமல் போகலாம். அத்தகைய தோல்விகள் உங்களுக்கு மன அழுத்தத்தை ஏற்படுத்துவதோடு உங்கள் தன்னமிக்கையையும் குறைத்துவிடலாம்.
அவமானங்கள், இன்னல்கள், அல்லது ஏற்றத்தாழ்வுகள் போன்ற பிரச்சனைகள் உங்களுக்கு அலுவலகத்தில் ஏற்படலாம். நீங்கள் புகார் கூற நினைத்தாலும், அதனை ஏப்ரல் 15, 2022 க்கு பிறகு செய்யுங்கள். அப்படி இல்லை என்றால், விடயங்கள் உங்களுக்கு எதிராகவே மாறி, உங்கள் நிலையை மோசமாக்கி விடலாம். மேலும் மோசமான சூழலில், மார்ச் 16, 2022 முதல் மார்ச் 28, 2022 வரையிலான காலகட்டத்தில் நீங்கள் மருத்துவ விடுப்பு எடுத்துக் கொள்ளவும் முயற்சிக்கலாம்.

Should you have any questions based on your natal chart, you can reach out KT Astrologer for consultation, email: ktastrologer@gmail.com