கண்ணோட்டம்

மார்ச் 2022 கன்னி ராசிப் பலன்கள். சூரியன் உங்கள் ராசியின் 6 மற்றும் 7 ஆம் வீட்டில் சஞ்சரித்து மார்ச் 15, 2022 வரை உங்களுக்கு நல்லப் பலன்களைத் தருவார். சுக்கிரன் உங்கள் ராசியின் 5 ஆம் வீடான பூர்வ புண்ய ஸ்தானத்தில் சஞ்சரித்து நல்லப் பலன்களைத் தருவார். புதன் உங்களுக்கு இந்த மாதம் கலந்த பலன்களைத் தருவார். செவ்வாய் உங்கள் ராசியின் 5 ஆம் வீட்டில் சஞ்சரித்து நீங்கள் பீதி அடையக்கூடிய சூழ்நிலைகளை இந்த மாதம் ஏற்படுத்தலாம்.
ராகு உங்கள் ராசியின் 9 ஆம் வீட்டில் சஞ்சரித்து விடயங்களை கடினமாக்கலாம். கேது உங்கள் ராசியின் 3 ஆம் வீட்டில் சஞ்சரித்து வெளிப்புற செயல்பாடுகள் மூலம் சில ஆதரவைத் தருவார். சனி பகவானின் தாக்கம் இந்த மாதம் அதிகம் உணரப்படுவதால், நிதி மற்றும் உறவுகள் சார்ந்த விடயங்களில் நீங்கள் கவனமாக இருக்க வேண்டும்.
குரு உங்கள் ராசியின் 6 ஆம் வீட்டில் சஞ்சரித்து உங்களுக்கு கசப்பான அனுபவங்களை ஏற்படுத்துவார். உங்கள் உத்தியோக வாழ்க்கை அலுவலகத்தில் உங்களுக்கு எதிராக நடக்கும் அரசியல் மற்றும் சதியால் பாதிக்கப்படலாம். உங்களுக்கு ஏற்படும் தொடர் தோல்விகள் மற்றும் ஏமாற்றங்களால் நீங்கள் உங்கள் தன்னம்பிக்கையை இழப்பீர்கள். கடவுள் வழிபாடு செய்து உங்கள் மனோ பலத்தை அதிகரித்துக் கொண்டு அடுத்த 7 வார காலத்தை கடக்க முயற்சி செய்ய வேண்டும். ஏப்ரல் 15, 2022 முதல் உங்களுக்கு நல்ல நிம்மதியும் நிவாரணமும் கிடைக்கும்.

Should you have any questions based on your natal chart, you can reach out KT Astrologer for consultation, email: ktastrologer@gmail.com