குடும்பம் மற்றும் உறவுகள்

குரு கடந்த 12 மாதங்களாக உங்களது ஜென்ம ராசியில் சஞ்சரித்து இருந்தார். சனியும் கேதுவும் நல்ல நிலையில் உங்களது ராசிக்கு இருந்திருந்தாலும், நீங்கள் உங்களது குடும்பத்தில், முக்கியமாக வாழ்க்கை துணைவர் அல்லது அவர்களது குடும்பத்தினருடன் சில மன வேற்றுமையோடு இருந்திருக்க கூடும். உங்களது உறவுகளுக்கு மத்தியில் சில மன கசப்புகளும் வந்திருக்கும். இது உங்கள் மனதை பெரிதும் பாதித்து அழுத்தத்துடனும் கவலையுடனும் வைத்திருந்திருக்கும்.
எனினும் இப்பொழுது குரு 2ஆம் வீட்டிற்கும் ராகு 11ஆம் வீட்டிற்கும் சஞ்சரிக்க உள்ளனர். இவர்கள் இருவருடைய பலன்களும் உங்களுக்கு பல நன்மைகளை தரப் போகின்றது. நீங்க உங்களது வாழ்க்கை துணைவருடன் அதிக நேரம் செலவிடுவீர்கள். இதனால் குடும்பத்தில் நிலவி வந்த பிரச்சனைகளில் இருந்து இப்பொழுது விடுபடுவீர்கள். மேலும் உங்களது கணவன்/மனைவி இல்லத்தினரோடு நல்ல உறவு நிலையில் இருப்பீர்கள். அணைத்து நேர்மறை பலன்களுடனும் நீங்கள் உங்களது குடும்பத்தில் பல நல்ல மற்றும் சந்தோசமான சூழலை பெறுவீர்கள்.

இதுவரையில் ஏதேனும் வழக்குகள் நிலுவையில் இருந்திருந்தால், அது சுமுகமாக தீர்வுக்கு வரும். ஜீவனாம்சம் மற்றும் குழந்தை காவல் போன்ற வழக்குகளில் இருந்து சாதகமான தீர்ப்போடு விடு படுவீர்கள். உங்களது குழந்தைகள் உங்களுக்கு நல்ல செய்திகளை கொண்டு வருவார்கள். இது உங்களை மகிழ்விக்கும். மேலும் நீங்கள் உங்களது குடும்பத்தினரோடு பெரிய வீட்டிற்கு குடி பெயர்வீர்கள். இது உங்களுக்கு அதிக சௌகரியத்தை தரும். மேலும் உங்களது மகன் அல்லது மகளுக்கு திருமணதிற்கு வரன் தேட இது ஏற்ற காலகட்டமாகும். அதுமட்டும் இன்றி உங்களது இல்லத்தில் சுப காரியம் செய்ய இந்த குரு பெயர்ச்சி காலகட்டம் தக்க சமயமாகும்.