கண்ணோட்டம்

குரு உங்கள் ராசியின் 9ஆம் வீட்டில் கடந்த ஒரு ஆண்டு காலம் சஞ்சரித்து உங்களுக்கு சிறப்பான வளர்ச்சியையும், வெற்றியையும் தந்திருப்பார். உங்கள் உத்தியோகம், நிதி நிலை மற்றும் உறவுகள் குறித்த விடயங்களில் செட்டிலாகி இருந்திருப்பீர்கள். தற்போது குரு உங்கள் ராசியின் 1௦ஆம் வீட்டிற்கு பெயர்ந்து ஏப்ரல் 5, 2021 வரை சில பின்னடைவுகளை உண்டாக்கக் கூடும்.
மகர ராசியில் குரு பெயர்ச்சி குறுகிய காலமான 4.5 மாதங்கள் மட்டுமே இருக்கும். இதற்கு காரணம், தனுசு ராசியின் பெயர்ச்சியின் ஒரு பாகமாக குரு முன்பே மகர ராசியில் மார்ச் 3௦, 202௦ முதல் ஜூன் 3௦, 202௦ வரையிலான 3 மாத காலகட்டத்தில் சஞ்சரித்திருந்திருப்பார். கும்ப ராசி பெயர்ச்சியின் ஒரு பாகமாக குரு செப்டம்பர் 15, 2021 முதல் நவம்பர் 19, 2021 வரை மகர ராசியில் 2 மாத காலத்திற்கு சஞ்சரிப்பார். அதனால் ஏப்ரல் 5, 2021 கும்ப ராசியில் நடைபெறும் குரு பெயர்ச்சி வழக்கமான பெயர்ச்சியாக இருக்கும்.

ராகு உங்கள் ராசியின் 2ஆம் வீட்டிலும், கேது 8ஆம் வீட்டிலும் இந்த குரு பெயர்ச்சி காலம் முழுவதும் சஞ்சரிப்பார்கள். ராகு மற்றும் கேதுவிடம் இருந்து நீங்கள் நல்ல பலன்களை எதிர்பார்க்க முடியாது. சனி பகவான் உங்கள் ராசியின் 1௦ஆம் வீட்டில் குருவுடன் இணைந்து சஞ்சரித்து உங்களுக்கு கசப்பான அனுபவங்களை உண்டாக்குவார். அதனால் நவம்பர் 2௦, 202௦ முதல் ஏப்ரல் 5, 2021 வரை நீங்கள் சோதனை காலத்தில் இருப்பீர்கள். உங்கள் பிறந்த சாதக பலன் இல்லாமல் இந்த காலகட்டத்தில் எந்த முக்கிய முடிவுகள் எடுப்பதையும் தவிர்த்து விடுவது நல்லது.