குடும்பம் மற்றும் உறவுகள்

குரு உங்கள் ராசியின் 2ஆம் வீட்டில் சஞ்சரித்ததால், கடந்த குரு பெயர்ச்சி உங்களுக்கு சிறப்பான நேரத்தை தந்திருக்கும். தற்போது நவம்பர் 2௦, 2020 அன்று ஏற்படும் பெயர்ச்சி உங்களுக்கு சில பிரச்சனைகளை உறவுகள் குறித்த விடயங்களில் உண்டாக்கக் கூடும். ராகு உங்கள் ராசியின் 7ஆம் வீட்டில் சஞ்சரிப்பதால், நவம்பர் 2020 முதல் நீங்கள் விரைவாகவே பிரச்சனைகளை சந்திப்பீர்கள். குரு ராகுவை ஐந்தாம் பார்வையை பார்வை இடுவதால் உங்களுக்கு அதிக எதிர்மறை சக்திகள் உண்டாகக் கூடும்.
உங்கள் குடும்பத்தினர்களின் தேவைகள் மற்றும் எதிர்பார்ப்புகளை புரிந்து கொள்ள நீங்கள் அவர்களுடன் அதிக நேரத்தை செலவிட வேண்டும். உங்கள் குழந்தைகள் மற்றும் உங்கள் மனைவி/கணவன் உங்கள் பேச்சை கேட்க மாட்டார்கள். உங்கள் வயதான பெற்றோர்களை பார்த்துக் கொள்வதில் சில சிக்கல்கள் ஏற்படலாம். உங்கள் மகா தசை பலவீனமாக இருந்தால், உங்கள் குடும்பத்தில் ஏற்படும் அரசியலால் நீங்கள் பாதிக்கப்படலாம். நீங்கள் வரும் நாட்களில் சுப காரியங்கள் நடத்த வேண்டும் என்றால், அதற்கு உங்கள் பிறந்த சாதக பலன் இருக்க வேண்டும்.

திருமணம் ஆன தம்பதியினர் உத்தியோகம் அல்லது பயணம் குறித்த காரணங்களால் சில மாதங்களுக்கு பிரிந்து இருக்க நேரிடலாம். இந்த குரு பெயர்ச்சி காலத்தில் குழந்தை பேருக்கு திட்டமிடுவதை தவிர்த்து விடுவது நல்லது. நீங்கள் பெண்ணாக இருந்து, தற்போது கர்ப்ப காலத்தில் இருந்தால், உங்கள் உடல் நலத்தின் மீது கவனம் எடுத்துக் கொள்ள வேண்டும். ஆனால், ஏப்ரல் 5, 2021 முதல் கோச்சார கிரகங்களின் அடிப்படையில் நீங்கள் மீண்டும் நல்ல பலத்தைப் பெறுவீர்கள். ஏப்ரல் 5, 2021 முதல் உங்களுக்கு நல்ல அதிர்ஷ்டம் கிடைக்கக்கூடிய சிறப்பான காலமாக உள்ளது.