கண்ணோட்டம்

உங்களுக்கு ஒரு நல்ல செய்தி!
அஷ்டம குருவின் தாக்கத்தில் இருந்து நீங்கள் வெளிவர உள்ளீர்கள். உங்களுக்கு ஏற்பட்ட வலியை விவரிக்க வார்த்தைகளே இருக்காது. ஆனால் குரு தற்போது உங்கள் ராசியின் 9ஆம் வீடான பாக்ய ஸ்தானத்திற்கு பெயர்ந்து உங்கள் உடல் உபாதைகள் மற்றும் இன்னல்களுக்கு ஒரு முற்றுப் புள்ளி வைப்பார்.

இந்த குரு பெயர்ச்சி 4½ மாத காலம் மட்டுமே மகர ராசியில் நடக்க உள்ள ஒரு குறுகிய கால பெயர்ச்சியாகும். இதற்கு காரணம் குரு முன்பே மார்ச் 3, 2020 முதல் ஜூன் 3௦, 2020 வரை மகர ராசியில் தனுசு ராசி பெயர்ச்சியின் ஒரு பாகமாக சஞ்சரித்து விட்டார். குரு செப்டம்பர் 15, 2021 முதல் நவம்பர் 19, 2021 வரையிலான 2 மாத காலகட்டத்திற்கு கும்ப ராசியின் பெயர்ச்சியின் ஒரு பாகமாக சஞ்சரிப்பார். அதனால் கும்ப ராசிக்கு குரு ஏப்ரல் 5, 2021 பெயருவது ஒரு இயல்பான பெயர்சியாகவே கருதப்படுகிறது.
ராகு உங்கள் ஜென்ம ஸ்தானத்திலும், கேது உங்கள் ராசியின் 7ஆம் வீடான களத்திற ஸ்தானத்திலும் சஞ்சரிப்பது சிறப்பாக இல்லை. குரு ராகுவை பார்வை இடுவதால் ராகுவின் தாக்கம் குறையும். குரு மற்றும் சனி பகவான் இணைந்து உங்கள் ராசியின் 9ஆம் வீட்டில் சஞ்சரித்து உங்கள் உடல் நலம், குடும்பம் மற்றும் உறவுகள், உத்தியோகம் மற்றும் நிதி நிலையில் நேர்மறை மாற்றங்களை செய்வார்கள். மொத்தத்தில் இந்த குரு பெயர்ச்சி காலத்தில் நீங்கள் உங்கள் வாழ்க்கையில் சிறப்பாக செட்டிலாகி விடுவீர்கள்.