தொழில் மற்றும் இரண்டாம் வருமானம்

குரு உங்கள் ராசியின் 11ஆம் வீட்டில் சஞ்சரித்து உங்களுக்கு சிறப்பான முன்னேற்றத்தை நிதி நிலையில் தருவதோடு, உங்கள் தொழில் வளர்ச்சியிலும் நல்ல வெற்றியைத் தருவார். ஆனால், அனைத்து முக்கிய கிரகங்களும் நல்ல நிலையில் இல்லை என்பதை நீங்கள் நினைவில் கொள்ள வேண்டும். உங்கள் வளர்ச்சியின் அளவும், முன்னேற்றத்தின் வேகமும் உங்கள் பிறந்த சாதகத்தை சார்ந்தே உள்ளது. உங்கள் வங்கிக் கடன் ஒப்புதல் பெரும். பாகம் 1 (ஏப்ரல் 5, 2021 முதல் ஜூன் 2௦, 2021 வரை) மற்றும் பாகம் 5 (நவம்பர் 2௦, 2021 முதல் ஏப்ரல் 13, 2022 வரை) உங்கள் நிதித் தேவைகளை எளிதாக சமாளித்து விடுவீர்கள். உங்கள் போட்டியாளர்கள் உங்களுக்கு ஏற்படுத்தும் அழுத்தத்தை நீங்கள் சிறப்பாக சமாளிப்பீர்கள். சுய தொழில் புரிவோர்கள் மற்றும் கமிசன் ஏஜெண்டுகள் சிறப்பாக செயல்படுவார்கள்.

ஆனால் ஜூன் 2௦, 2021 முதல் நவம்பர் 2௦, 2021 வரையிலான காலகட்டத்தில் நீங்கள் அதிக ஏமாற்றங்களையும், சிக்கல்களையும் சந்திக்க நேரலாம். உங்கள் பண வரத்து பாதிக்கப்படலாம். சனி பகவான் மற்றும் கேது உங்கள் தொழிலில் அதிக போட்டிகளை உண்டாக்குவார்கள். உங்கள் மறைமுக எதிரிகள் உங்களுக்கு எதிராக உண்டாக்கும் சதிகளால் நீங்கள் நல்ல ப்ரோஜெக்ட்டுகளை இழக்க நேரலாம். உங்கள் தொழிலை விரிவுபடுத்த முயற்சிப்பது நல்ல யோசனையாக இருக்காது. இந்த பாக காலகட்டத்தில் நீங்கள் உங்கள் நிர்வாக செலவுகளை குறைக்க முயற்சி செய்ய வேண்டும். சுதர்சன மகா மந்திரம் கேட்டு எதிரிகளிடம் இருந்து பாதுகாப்பை பெறுங்கள்.