ஏப்ரல் 13, 2022 முதல் ஜூலை 29, 2022 வரை கடுமையான பின்னடைவுகள் மற்றும் தடைகள் (35 / 100)

ஏப்ரல் 13, 2022 முதல் குரு உங்கள் ராசியின் 8 ஆம் வீட்டில் சஞ்சரிப்பார். சனி பகவான் மகர ராசியில் இருந்து கும்ப ராசிக்கு அதி சரமாய் ஏப்ரல் 27, 2022 அன்று பெயர்ச்சி ஆகிறார். அதன் பிறகு ஜூன் 4, 2022 அன்று வக்கிர கதி அடைகிறார். மீண்டும் ஜூலை 14, 2022 அன்று மகர ராசிக்கு பெயர்ச்சி ஆகிறார். இது ஒரு மிகவும் சாதகமற்ற நிலையாக உங்களுக்கு இருக்கும்.
கடந்த சமீப நாட்களில் உங்களுக்கு கிடைத்த அதிர்ஷ்டங்கள் இப்போது முடிவுக்கு வரும். விடயங்கள் திருப்பம் பெற்று உங்களுக்கு எதிராக மாறலாம். நீங்கள் எதை செய்தாலும் அதில் தாமதமும் பின்னடைவுகளும் ஏற்படலாம். இந்த பாகத்தில் கண் திருஷ்டி மற்றும் பொறாமையால் நீங்கள் பாதிக்கப்படலாம். உங்கள் மறைமுக எதிரிகள் உங்கள் வளர்ச்சியை பாதிக்கும் வகையில் உங்களுக்கு எதிரான சதிகளை செய்வார்கள்.

உங்கள் வாழ்க்கைத்துணை, குழந்தைகள் மற்றும் உறவினர்களுடன் உங்களுக்கு கடுமையான வாக்குவாதங்கள் ஏற்படலாம். உங்கள் குழந்தைகள் உங்களிடம் புதிய தேவைகளை முன் வைப்பார்கள். நீங்கள் முன்பே சுப காரியங்களுக்கு திட்டமிட்டிருந்தால், இப்போது அது தள்ளிப்போடப்பட வாய்ப்பு உள்ளது. அப்படியே அது நிகழ்ந்தாலும், அதிக மன அழுத்தம் மற்றும் செலவுகளை ஏற்படுத்தலாம். காதலர்கள் மற்றும் திருமணம் ஆன தம்பதியினர் அதிக சவால்களை தங்கள் வாழ்க்கையில் சந்திப்பார்கள்.
உங்கள் உத்தியோக வாழ்க்கை அலுவலகத்தில் நடக்கும் மோசமான அரசியலால் பாதிக்கப்படலாம். உங்கள் உயர் நிர்வாகம் உங்கள் செயல்திறன் மீது மகிழ்ச்சி அடையாமல் போகலாம். இதனால் உங்கள் மன நிம்மதி பாதிக்கப்படலாம். தொழில்முனைவோர்கள் எதிர்பாராத பின்னடைவுகளை சந்திப்பார்கள். தொலைதூர பயணத்தை முடிந்த வரை தவிர்த்துவிடுங்கள். உங்கள் விசா மற்றும் குடியேற்றப் பலன்கள் தாமதமாகலாம்.