கண்ணோட்டம்

சூரியன் உங்கள் ராசியின் 9 மற்றும் 1௦ஆம் வீட்டில் பெயர்ந்து மார்ச் 15, 2020 முதல் நல்ல பலன்களை உங்களுக்குத் தருவார். புதன் உங்கள் ராசியின் 9ஆம் வீட்டில் சஞ்சரிப்பது சிறப்பாக இல்லை. எனினும், சுக்கிரன் உங்கள் ராசியின் 11ஆம் வீட்டில் சஞ்சரித்து உங்களுக்கு நல்ல அதிர்ஷ்டத்தை கொண்டு வருவார்.
செவ்வாய் மற்றும் கேது இணைந்து உங்கள் ராசியின் 7ஆம் வீட்டிலும், ராகு உங்கள் ஜென்ம ராசியிலும் சஞ்சரிப்பது அவ்வளவு சிறப்பாக இல்லை. எனினும், குரு செவ்வாயுடன் இணைந்து சஞ்சரித்து உங்களுக்கு குரு மங்கள யோகத்தை உண்டாக்குவார். மேலும், குரு ராகுவை உங்கள் ஜென்ம ராசியில் பார்வை இடுவதால், மார்ச் 21, 2020 வரை நல்ல அதிர்ஷ்டத்தைப் பெறுவீர்கள்.

செவ்வாய் உங்கள் ராசியின் 8ஆம் வீட்டிற்கு மார்ச் 22, 2020 அன்று பெயர்ந்து சனி பகவானோடு இணைந்து சஞ்சரிப்பார். இந்த சஞ்சாரம் எதிர்மறை சக்திகளை ஒரே இரவில் அதிகரித்து விடக் கூடும். குரு உங்கள் ராசியின் 8ஆம் வீட்டிற்கு அதி சரமாய் மார்ச் 29, 2020 அன்று பெயருகிறார். இதனால் எதிர்பாராத பின்னடைவுகள் ஏற்பட வாய்ப்பு உள்ளது.