கண்ணோட்டம்

சூரியன் உங்கள் ராசியின் 8ஆம் வீட்டிலும், 9ஆம் வீட்டிலும் சஞ்சரிப்பது சிறப்பாக இல்லை. ராகு உங்கள் ராசியின் 5ஆம் வீட்டில் சஞ்சரித்து உங்களுக்கு பிரச்சனைகளை அதிகரிக்கக் கூடும். சுக்கிரன் உங்கள் ராசியின் 7ஆம் வீட்டில் சஞ்சரித்து உங்கள் உறவுகள் குறித்த விடயங்களில் உங்களுக்கு பிரச்சனைகளை உண்டாக்கக் கூடும். புதன் உங்களுக்கு கலவையான பலன்களைத் தருவார். செவ்வாய் உங்கள் ராசியின் 4ஆம் வீட்டிற்கு பெயர்ந்து அதிக வேலை சுமையையும், பதற்றத்தையும் உண்டாக்கக் கூடும்.
குரு உங்கள் ராசியின் 12ஆம் வீட்டில் சஞ்சரித்து செலவுகளை அதிகரிக்கக் கூடும். சனி பகவான் உங்கள் ஜென்ம ராசியில் சஞ்சரித்து உங்களுக்கு கசப்பான அனுபவங்களை ஏற்படுத்தக் கூடும். எதிர்பாராவிதமாக எந்த கிரகங்களும் நல்ல நிலையில் சஞ்சரிக்கவில்லை, கேதுவைத் தவிர. ஜென்ம சனியின் தாக்கம் இந்த மாதம் நாட்கள் நகர நகர அதிகரிக்கக் கூடும்.

அடுத்த 7 மாதங்களுக்கு நீங்கள் சோதனை காலத்தில் இருப்பீர்கள். நீங்கள் பொறுமையாக இருக்க முயற்சி செய்ய வேண்டும். மேலும் எந்த ரிஸ்கும் எடுப்பதை தவிர்த்து விடுவது நல்லது. உங்கள் மனோ பலத்தை அதிகரித்துக் கொண்டு ஜென்ம சனியின் தாக்கத்தை கடக்க முயற்சி செய்யுங்கள்.