தொழில் மற்றும் இரண்டாம் வருமானம்

இந்த 2021 புத்தாண்டில் தொழிலதிபர்கள் எந்த நிவாரணத்தையும் எதிர்பார்க்க முடியாது. உங்கள் மகா தசை சாதகமாக இல்லை என்றால், உங்களுக்கு பண பிரச்சனைகள் ஏற்படலாம். உங்களுக்கு கடன் கொடுத்தவர்கள் உங்கள் சொத்துக்களை மிகவும் குறைந்த விலைக்கு அபகரித்துக் கொள்வார்கள். ஜனவரி 3ஆம் வாரம் வாக்கில் உங்கள் வங்கிக் கணக்கு திவாலாகும் சூழல் ஏற்படலாம்.
வழக்குகளால் நீங்கள் மிகவும் மோசமாக பாதிக்கப்படலாம். எதிர்பாராவிதமாக, உங்களுக்கு அவப்பெயர் ஏற்பட்டு, உங்கள் மீது தவறு இல்லை என்றாலும், நீங்கள் குற்றம் சாட்டப் படலாம். இந்த மாதம் நீங்கள் அஷ்டம சனி மற்றும் அஷ்டம குருவின் உண்மையான தாக்கத்தை உணருவீர்கள். உங்கள் கிரெடிட் மதிப்பு மற்றும் நிறுவனத்தின் ஒப்பந்தங்களின் அந்தஸ்த்து மொத்தமாக மாற்றப்படலாம்.

சுயதொழில் புரிவோர்கள் குறைந்த சன்மானங்களுக்காக மிகவும் கடினமாக உழைக்க நேரலாம். ரியல் எஸ்டேட் ஏஜெண்டுகள் செவ்வாயின் பலத்தோடு சில முன்னேற்றத்தை எதிர்பார்க்கலாம். இருப்பினும், உங்களுடன் வேலை பார்ப்பவர்கள் செய்யும் அரசியலால் நீங்கள் உங்கள் கமிசனை இழக்க நேரலாம். கடவுள் வழிபாடு, சோதிடம் போன்றவற்றின் உண்மைத் தன்மையை நீங்கள் இப்போது புரிந்து கொள்வீர்கள்.