கண்ணோட்டம்

ஜூலை 2022 கன்னி ராசி பலன்கள் (Virgo Moon Sign). சூரியன் உங்கள் ராசியின் 1௦ மற்றும் 11 ஆம் வீட்டில் சஞ்சரித்து உங்களுக்கு இந்த மாதம் சிறப்பான வளர்ச்சியைத் தருவார். சுக்கிரன் உங்கள் ராசியின் 9 ஆம் வீடான பாகிய ஸ்தானத்தில் ஜூலை 13, 2022 வரை சஞ்சரித்து உங்களுக்கு நல்ல அதிர்ஷ்டங்களைத் தருவார். புதன் உங்கள் ராசியின் 1௦ ஆம் வீட்டிலும் 11 ஆம் வீட்டிலும் சஞ்சரித்து உங்கள் வளர்ச்சியையும் வெற்றியையும் அதிகரிப்பார். செவ்வாய் உங்கள் ராசியின் 8 ஆம் வீட்டில் சஞ்சரிப்பது இந்த மாதம் உங்களுக்கு ஒரு பலவீனமான விடயமாக இருக்கும்.
ராகு மற்றும் செவ்வாய் இணைந்து உங்கள் ராசியின் 8, ஆம் வீட்டில் சஞ்சரித்து உங்களுக்கு பாதகமான பலன்களைத் தருவார்கள். கேது உங்கள் ராசியின் 2 ஆம் வீட்டில் சஞ்சரித்து இந்த மாதம் உங்களுக்கு கலந்த பலனைத் தருவார். சனி பகவான் வக்கிர கதி அடைந்து உங்கள் உறவுகள் சார்ந்த விடயங்களில் பிரச்சனைகளை ஏற்படுத்துவார். குரு உங்கள் ராசியின் 7 ஆம் வீட்டில் சஞ்சரித்து உத்தியோகம் மற்றும் நிதி நிலையில் உங்கள் அதிர்ஷ்டங்களை அதிகரிப்பார்.

மொத்தத்தில், இந்த மாதத்தின் முதல் பாதி ஜூலை 14, 2022 வரை உங்களுக்கு சிறப்பாக இருக்கும். அதன் பின்னர் ஜூலை 14, 2022 முதல் ஜூலை 28, 2022 வரை உங்கள் வளர்ச்சியில் வேகம் குறையும். நீங்கள் ஜூலை 29, 2022 ஐ அடைந்ததும் அடுத்த 4 மாதங்களுக்கு நீங்கள் சோதனை காலத்தில் இருப்பீர்கள்.
ஜூலை 14, 2022 அல்லது ஜூலை 28, 2022 க்கு முன்பாக நீங்கள் உங்கள் வாழ்க்கையில் நல்ல நிலையில் செட்டிலாகி விட முயற்சி செய்ய வேண்டும்.பெருமாளை வணங்கி உங்கள் நிதி நிலையில் அதிர்ஷ்டத்தை அதிகரித்து செல்வங்களை அதிகரித்துக்கொள்ள முயற்சி செய்யுங்கள்.