ஆகஸ்ட் 11, 2019 முதல் நவம்பர் 04, 2019 வரை கடுமையான சோதனை காலம் (25 / 100)

நீங்கள் சோதனை காலத்தில் இருப்பீர்கள். சனி பகவான், கேது இணைந்து இந்த காலகட்டத்தில் உங்களுக்கு சாதகமற்ற பலன்களை தரக் கூடும். குரு அதிக கசப்பான அனுபவங்களை உங்களுக்கு தரக் கூடும். உங்கள் உடல் உபாதைகள் அதிகரிக்கக் கூடும். தூக்கம் இல்லாத பல இரவுகளை நீங்கள் சந்திக்க நேரிடலாம். உங்கள் மனைவி/கணவனிடத்தில் தேவையற்ற வாக்குவாதங்களை தவிர்ப்பது நல்லது. திருமணம் ஆன தம்பதியினர் அன்யோன்யம் குறைந்து காணப் படுவார்கள். குறிப்பாக புதிதாக திருமணம் ஆன தம்பதியினர் அதிகம் அவதிப் பட நேரிடலாம். இந்த காலகட்டத்தில் குழந்தை பேருக்கு திட்டமிடுவதை தவிர்ப்பது நல்லது. காதலர்கள் தங்கள் உறவில் சற்று கடுமையான சூழலை சந்திக்க நேரிடலாம். உங்கள் சொந்த விசயங்களை யாரிடமும், அது நண்பர்களாக இருந்தாலும் பகிர்வதை தவிர்ப்பது நல்லது.
உங்கள் குழந்தைகள் புதிதாக பல தேவைகளை முன் வைப்பார்கள். உங்கள் மகன் அலல்து மகளுக்கு வரன் தேட இது ஏற்ற நேரம் இல்லை. இந்த காலகட்டத்தில் சுப காரியங்கள் நடத்துவதை தவிர்ப்பது நல்லது. உங்கள் மீது எந்த தவறும் இல்லாமல் நீங்கள் உறவினர்கள் முன் அவமானப் படும் சூழல் ஏற்படலாம். இது உங்களை பெரிதும் பாதிக்கக் கூடும். உத்தியோகத்தில் இருப்பவர்களுக்கு இது ஒரு சவால் நிறைந்த காலகட்டமாக இருக்கும். உங்கள் மகா தசை பலவீனமாக இருந்தால் செப்டம்பர் 2019 வாக்கில் நீங்கள் வேலையை இழக்கும் சூழலும் ஏற்படலாம். உத்தியோகத்தில் எந்த முன்னேற்றமும் அல்லது சம்பள உயர்வும் இல்லாமல் இருப்பது உங்களுக்கு ஏமாற்றத்தை தரக் கூடும். உங்கள் வாழ்வாதாரத்திற்க்காக வேலையை தக்க வைத்துக் கொள்வது அவசியம்.

தொழிலதிபர்கள் எதிர்பாரா பின்னடைவுகளை சந்திக்க நேரிடலாம். முதலீட்டாளர்களிடம் இருந்து எதிர் பார்த்த நிதி கிடைக்காமல் போகலாம். மேலும் உங்களது புதிய யோசனைகள் களவாடப் படலாம். உங்கள் நிதி நிலை தொடர்ந்து மோசமாகக் கூடும். உங்கள் நிதி தேவைகளை சமாளிக்க நீங்கள் அதிகம் உழைக்க வேண்டியதிருக்கும். பங்கு சந்தை முதலீட்டை முற்றிலுமாக தவிர்பப்து நல்லது.