தொழில் மற்றும் இரண்டாம் வருமானம்

தொழிலதிபர்களுக்கு இது ஒரு பொற்காலம் என்று கூறலாம். உங்கள் மறைமுக எதிரிகள் பலமிழந்து உங்களிடம் சரணடைவார்கள். உங்கள் போட்டியாளர்கள் உங்களது புதுமையான யோசனைகளுக்கும், திட்டங்களுக்கும் ஈடு கொடுக்க முடியாமல், திணறுவார்கள். நீங்கள் தொடர்ந்து பெரிய ப்ரோஜெக்ட்டுகளில் வேலை பார்ப்பீர்கள். மேலும் உங்கள் தொழிலை விரிவு படுத்துவீர்கள்.
ராகு உங்கள் லாப ஸ்தானத்தில் சஞ்சரித்து உங்கள் நிதி நிலையில் முன்னேற்றத்தை உண்டாக்குவார். உங்களுக்கு வங்கியில் இருந்தும், புதிய முதலீட்டாளர்களிடம் இருந்தும் போதிய நிதி உதவி கிடைக்கும். இதனால் ஜனவரி அல்லது பெப்ரவரி 2020 முதல் உங்கள் தொழிலை விரிவு படுத்தும் முயற்சிகளை எடுப்பீர்கள். உங்கள் மகா தசை சாதகமாக இருந்தால், நீங்கள் ஒரு முக்கியத்துவர் அந்தஸ்த்தையும் அடைவீர்கள.

சுய தொழில் புரிவோர்கள், ரியல் எஸ்டேட் ஏஜெண்டுகள், இன்சூரன்ஸ் ஏஜெண்டுகள் மற்றும் கமிசன் ஏஜெண்டுகள் இந்த 2020ஆம் ஆண்டு சிறப்பாக செயல்படுவார்கள். இந்த ஆண்டின் இறுதி பகுதியில் நீங்கள் ஒரு தொடக்க நிலையில் இருக்கும் தொழிலை எடுத்து நடத்துவீர்கள். புதிய தொழில் தொடங்குவதில் உங்கள் அதிர்ஷ்டத்தை நீங்கள் முயற்சி செய்து பார்க்க வேண்டும் என்றால், ரிஸ்க் எடுக்க இது நல்ல நேரம்.