ஜனவரி 01, 2021 முதல் ஏப்ரல் 05, 2021 வரை இழப்புகள் (15 / 100)

குரு சனி பகவானோடு இணைந்து உங்கள் ராசியின் 8ஆம் வீட்டில் சஞ்சரிப்பார். அஷ்டம சனி மற்றும் அஷ்டம குருவின் உண்மையான தாக்கத்தை நீங்கள் இந்த காலகட்டத்தில் ஒரே நேரத்தில் உணருவீர்கள். இது ஒரு அரிதான நிகழ்வாக இருந்தாலும், இத்தகைய நிகழ்வு உங்களுக்கு இழப்புகளை உண்டாக்கும்.
உங்கள் வாழ்க்கையின் பல விடயங்களில் பிரச்சனைகள் ஏற்படும் என்பதை நீங்கள் எதிர்பார்க்க வேண்டும். உங்கள் உடல் நலம் மோசமாக பாதிக்கப்படலாம். உங்கள் மருத்துவ செலவுகள் அதிரிக்கும். உங்கள் மனைவி/கணவன், குழந்தைகள் மற்றும் உறவினர்களுடன் உங்களுக்கு கருத்துவேறுபாடுகள் ஏற்படலாம். உங்கள் குடும்பத்தில் அதிகரிக்கும் அரசியலால் உங்கள் மன நிம்மதி பாதிக்கப்படும். குழந்தை பேருக்கு திட்டமிட அல்லது சுப காரியங்கள் நிகழ்த்த இது ஏற்ற நேரம் இல்லை. நீங்கள் கவனமாக இல்லை என்றால், இந்த காலகட்டத்தில் உங்களுக்கு அவப்பெயர் ஏற்படக் கூடும்.

அலுவலகத்தில் ஏற்படும் மாற்றங்களால் உங்கள் உத்தியோக வாழ்க்கை மோசமாக பாதிக்கப்படலாம். உங்கள் முதலாளி உங்களை மிக அதிகமாக கண்காணிப்பார். உங்கள் அலுவலகத்தில் உங்களுக்கு எதிராக நடக்கும் சதிகள் மற்றும் அரசியலால் நீங்கள் உங்கள் முக்கியத்துவத்தை இழக்க நேரலாம். மேலும் நீங்கள் அவமானப்படும் சூழல் ஏற்படுவதால், உங்கள் உத்தியோகத்தை ராஜினாம செய்து விட நினைக்கலாம். அல்லது எந்த பலனும் இன்றி நீங்கள் உங்கள் பணியில் இருந்து நீக்கப்படலாம். உங்கள் விசா அந்தஸ்த்தை இழந்து நீங்கள் தாய்நாடு திரும்பும் நிலை ஏற்படலாம். தொழிலதிபர்கள் அதிக சவால் நிறைந்த நேரத்தை சந்திப்பார்கள்.
உங்கள் நிதி நிலை குறித்த விடயங்களுக்கு இது சவால் நிறைந்த நேரமாக இருக்கும். அதிகரிக்கும் நிதித் தேவைகளால் உங்கள் சேமிப்பு கரையும். நீங்கள் கவனமாக இல்லை என்றால், பண விடயங்களில் நீங்கள் ஏமாற்றப்படலாம். எந்த விதமான பங்கு சந்தை முதலீடுகளை தவிர்த்து விடுவது நல்லது. அப்படி நீங்கள் முதலீடுகள் செய்தால், அது உங்களுக்கு நட்டத்தை ஏற்படுத்தி விடும். உங்கள் மனோ பலத்தை அதிகரித்துக் கொண்டு இந்த சோதனை காலத்தை கடக்க முயற்சி செய்யுங்கள்.