ஜனவரி 1, 2021 முதல் ஏப்ரல் 05, 2021 வரை நல்ல அதிர்ஷ்டம் (85/ 100)

இந்த 2021ஆம் ஆண்டிலேயே இது ஒரு சிறந்த காலகட்டமாக இருக்கும். இந்த பாகத்தில் குரு உங்கள் ராசியின் 5ஆம் வீட்டில் சனி பகவானோடு இணைந்து சஞ்சரிப்பார். இந்த சஞ்சாரம் நீச்ச பங்க ராஜ யோகத்தை உண்டாக்குவதால் நீங்கள் உங்கள் வாழ்க்கையில் சிறப்பான பலனைப் பெறுவீர்கள். கேது உங்கள் ராசியின் 3ஆம் வீட்டில் சஞ்சரித்து இந்த காலகட்டத்தில் உங்களுக்கு நல்ல அதிர்ஷ்டத்தை தருவார். உங்கள் உடல் நலம், உத்தியோகம், நிதி நிலை மற்றும் முதலீடுகள் குறித்த விடயங்களில் நல்ல மாற்றங்களைப் பெறுவீர்கள். நீங்கள் தற்போது பார்த்துக் கொண்டிருக்கும் உத்தியோகம் உங்களுக்கு மகிழ்ச்சி தரும் வகையில் இல்லை என்றால், நீங்கள் புது வேலை வாய்ப்பிற்கு முயற்சி செய்ய இது நல்ல நேரம். புது உத்தியோகம் கிடைப்பதால் நீங்கள் மகிழ்ச்சியாக இருப்பீர்கள். உங்கள் வேலை பளு மற்றும் பதற்றம் குறையும். அடுத்த நிலைக்கு உங்களுக்கு பதவி உயர்வு கிடைத்தாலும், அதில் ஆச்சரியப்பட ஒன்றும் இல்லை. தொழிலதிபர்கள் அதிகரிக்கும் பண வரத்தால் மகிழ்ச்சியாக இருப்பார்கள்.
சுப காரியங்கள் நடத்துவதில் நீங்கள் வெற்றிப் பெறுவீர்கள். குடும்பத்தில் சில அரசியல் இருந்தாலும், குருவின் பலத்தால் அது நீங்கள் சமாளிக்கும் விதத்திலேயே இருக்கும். திருமணம் ஆன தம்பதியினர் நல்ல மகிழ்ச்சியோடு இருப்பார்கள். நீங்கள் சில நாட்கள் விடுப்பு எடுத்துக் கொண்டு உங்கள் குடும்பத்தினர்கள் மற்றும் நண்பர்களுடன் நேரத்தை செலவிட முயற்சிக்கலாம். உங்கள் நிதி நிலையில் நல்ல முன்னேற்றம் ஏற்படும். இருப்பினும். ஸ்பெகுலேடிவ் வர்த்தகம் செய்ய வேண்டும் என்றால், அதற்கு உங்கள் பிறந்த சாதக பலன் சிறப்பாக இருக்க வேண்டும். நிலுவையில் இருக்கும் விசா மற்றும் குடியேற்றம் குறித்த விடயங்களில் நல்ல முன்னேற்றம் ஏற்படும். இந்த காலகட்டத்தை நல்லபடியாக பயன்படுத்திக் கொண்டு இந்த ஆண்டின் மீதமுள்ள காலத்தில் ஏற்பட உள்ள மன ரீதியான சவால்களை எதிர்கொள்ள தயாராகுங்கள்.

Should you have any questions based on your natal chart, you can reach out KT Astrologer for consultation, email: ktastrologer@gmail.com