நவம்பர் 4, 2023 முதல் டிசம்பர் 31, 2023 வரை திடீர் பின்னடைவுகள் (35 / 100)

எதிர்பாராவிதமாக, இது உங்களுக்கு மிகவும் மோசமான சோதனை காலமாக இருக்கலாம். ஜென்ம சனியின் தாக்கம் இந்த பாகத்தில் அதிகம் உணரப்படும். ராகு உங்கள் ராசியின் 2 ஆம் வீட்டில் சஞ்சரிப்பதால் உங்களுக்கு மனக் கவலை மற்றும் பதற்றம் ஏற்படலாம். உங்களுக்கு இருக்கும் மன அழுத்தம் மற்றும் பதற்றம் அதிகரிக்கும். நீங்கள் கடினமான வார்த்தைகளை பேசிவிட நேரலாம், உங்கள் குடும்பத்தினர்களுடன் உங்களுக்கு இருக்கும் உறவு பாதிக்கப்படலாம். இந்த பாகத்தில் சுப காரியங்கள் நிகழ்த்துவதை தவிர்த்துவிடுங்கள்.
அலுவலகத்தில் உங்களுக்கு எதிராக நடக்கும் அரசியலால் நீங்கள் மிகவும் மோசமாக பாதிக்கப்படலாம். உங்கள் மேலாளரை மகிழ்ச்சி அடையச் செய்ய நீங்கள் கடினமாக உழைக்க வேண்டும். உங்களால் உங்கள் உத்தியோகத்தில் எந்த வளர்ச்சியையும் இந்த பாகத்தில் எதிர்பார்க்க முடியாது. உங்களுக்கு கிடைக்கும் சம்பள உயர்வு மற்றும் வெகுமதிகள் உங்களுக்கு ஏமாற்றத்தை தரலாம். உங்களை விட குறைந்த நிலையில் வேலை பார்க்கும் ஊழியர்களுக்கு உங்களை விட உயர் நிலைக்கு பதவி உயர்வு கிடைக்கும். புது வேலை வாய்ப்புக்கு முயற்சிக்க இது ஏற்ற நேரம் இல்லை.

அதிகரிக்கும் செலவுகளால் உங்கள் வருமானம் பாதிக்கப்படலாம். உங்களுக்கு தேவையற்ற மற்றும் எதிபாராத பயண செலவுகள் ஏற்படலாம். நீங்கள் உங்கள் கார் மற்றும் வீட்டு பராமரிப்புக்காக அதிகம் பணம் செலவு செய்ய வேண்டிய தேவை ஏற்படலாம். பங்குச்சந்தை வர்த்தகம் உங்களுக்கு பெரிய அளவில் இழப்பை ஏற்படுத்தலாம். பங்குச்சந்தை வர்த்தகம் மற்றும் சூதாட்டம் போன்றவற்றிற்கு நீங்கள் இந்த பாகத்தில் அடிமையாக நேரலாம். நீங்கள் இதனால் மேலும் மேலும் பணத்தை இழந்து கொண்டே போவீர்கள். இந்த பாகத்தில் நீங்கள் பங்குச்சந்தை வர்த்தகத்தை முற்றிலுமாக தவிர்த்துவிட வேண்டும். ரியல் எஸ்டேட்டில் பணத்தை முதலீடு செய்யவும் இது ஏற்ற நேரம் இல்லை.