ஏப்ரல் 21, 2023 முதல் செப்டம்பர் 4, 2023 வரை அனைத்திலும் பிரச்சனைகள் (35 / 100)

சனி பகவான் ஏற்கனவே உங்கள் ஜென்ம ராசியில் சஞ்சரிப்பதால் உங்களுக்கு அதிக தடைகள் ஏற்படலாம். இந்த பாகத்தில் குரு உங்கள் ராசியின் 3 ஆம் வீட்டில் சஞ்சரிப்பார். இது உங்களுக்கு சற்று கசப்பான அனுபவத்தை உங்கள் வாழ்க்கையில் தரலாம். கேது உங்கள் ராசியின் 9 ஆம் வீட்டில் சஞ்சரிப்பதால் விடயங்கள் மேலும் கடினமாகலாம். ராகு உங்கள் ராசியின் 3 ஆம் வீட்டில் சஞ்சரிப்பதால் உங்கள் நண்பர்களிடம் இருந்து நீங்கள் உதவிகளை எதிர்பார்க்கலாம்.
ஜென்ம சனியின் உண்மையான தாக்கத்தை நீங்கள் இந்த பாகத்தில் உணருவீர்கள். உங்கள் உடல்நலம் பாதிக்கப்படலாம். மருத்துவ செலவுகள் அதிகமாக இருக்கும். உங்கள் பெற்றோர்களின் உடல்நலம் கேது உங்கள் ராசியின் 9 ஆம் வீட்டில் சஞ்சரிப்பதால் பாதிக்கப்படலாம். எனவே போதிய மருத்துவ காப்பீடு உள்ளதா என்பதை நீங்கள் உறுதி செய்து கொள்ள வேண்டும். உங்கள் குடும்பத்தில் இருக்கும் பிரச்சனைகள் உங்கள் மன நிம்மதியை பாதிக்கும். நீங்கள் இதனால் தூக்கம் இல்லாத பல இரவுகளை கடக்க நேரலாம். நீங்கள் முன்பே திட்டமிட்ட சுப காரியங்கள் உங்கள் கட்டுப்பாட்டை மீறி இரத்தாகலாம். மாணவர்களுக்கு இது சவால் நிறைந்த காலமாக இருக்கும்.

உத்தியோகத்தில் இருப்பவர்கள் அலுவலகத்தில் நிலவும் அழுத்தம் நிறைந்த சூழல் மற்றும் அரசியலால் பாதிக்கப்படுவார்கள். உங்கள் பதவி உயர்வு தாமதமாகலாம். மேலும், உங்களை விட குறைந்த நிலையில் பணி புரிவோர்களுக்கு உங்களை விட உயர் நிலைக்கு பதவி உயர்வு கிடைக்கும். இந்த காலகட்டத்தில் உங்கள் அலுவலகத்தில் நீங்கள் அவமானப்படும் சூழல் ஏற்படலாம். நீங்கள் கவனமாக இல்லை என்றால், இந்த காலகட்டத்தில் நீங்கள் உங்கள் உத்தியோகத்தை இழக்கும் சூழல் ஏற்படலாம். உங்கள் செலவுகளை சமாளிக்க நீங்கள் அதிக கடன் வாங்க வேண்டிய தேவை ஏற்படலாம். உங்களுக்கு இருக்கும் கடன் அதிகரிப்பதால் நீங்கள் பீதி அடையும் நிலையில் இருப்பீர்கள். பங்குச்சந்தை முதலீடுகள் செய்வதில் இருந்து நீங்கள் விலகி இருக்க வேண்டும். ஸ்பெகுலேடிவ் வர்த்தகம் உங்களுக்கு பண இழப்பை ஏற்படுத்தலாம்.