வணிகம் மற்றும் இரண்டாம் வருமான வாய்ப்புகள்

இந்த புத்தாண்டின் தொடக்கத்தில் நீங்கள் அதிக சவால்களை சந்திப்பீர்கள். உங்கள் மறைமுக எதிரிகள் மற்றும் போட்டியாளர்கள் அதிக பலம் பெறுவார்கள். அஷ்டம குருவின் உண்மையான தாக்கத்தை ஜனவரி 1, 2023 முதல் ஏப்ரல் 21, 2023 வரையிலான காலகட்டத்தில் உணருவீர்கள். உங்களுக்கு எதிர்பாராத பின்னடைவுகள் ஏற்படலாம். உங்களுக்கு எதிரான சதிகளால் உங்களுக்கு கிடைத்த நீண்ட கால ப்ரோஜெக்ட்டுகளை நீங்கள் இழக்க நேரலாம். உங்கள் காப்புரிமையையும் நீங்கள் இழக்க நேரலாம். உங்களது புதுமையான யோசனைகள் மற்றும் வர்த்தக இரகசியங்கள் இந்த காலகட்டத்தில் திருடப்படலாம்.

உங்கள் வணிக பங்குதாரர்கள், போட்டியாளர்கள் அல்லது வாடிக்கையாளர்களுடன் உங்களுக்கு கடுமையான பிரச்சனைகள் ஏற்படலாம். உங்கள் மீது எந்த தவறும் இல்லை என்றாலும் உங்களுக்கு அவப்பெயர் ஏற்படும் சூழல் ஏற்படலாம். பண விடயங்களில் நீங்கள் மிகவும் மோசமாக ஏமாற்றப்படலாம். உங்களது நிர்வாக செலவுகளை சமாளிக்க நீங்கள் உங்கள் சொத்துக்களை விற்க வேண்டிய சூழலும் மற்றும் பணம் கடன் வாங்க வேண்டிய சூழலும் ஏற்படலாம். பெப்ரவரி மற்றும் மார்ச் 2023 வாக்கில் உங்கள் வணிகம் அதிக இழப்புகளை சந்திக்கும் சூழல் ஏற்படலாம்.

ஏப்ரல் 21, 2023 முதல் செப்டம்பர் 4, 2023 வரையிலான காலகட்டத்தில் குரு உங்கள் ராசியின் 3 ஆம் வீட்டில் சஞ்சரிப்பதன் பலத்தால் நீங்கள் பெரிய அளவிலான நிவாரணத்தைப் பெறுவீர்கள். ராகு உங்கள் ராசியின் 9 ஆம் வீட்டில் சஞ்சரிப்பதாள் ஏற்படக்கூடிய தாக்கமும் ஏப்ரல் 21, 2023 க்கு மேல் குறையும். அதிக பண வரத்தை ஏற்படுத்தக்கூடிய புதிய ப்ரோஜெக்ட்டுகளும் உங்களுக்கு கிடைக்கும். உங்கள் வணிகத்தில் ஏற்படக்கூடிய வளர்ச்சியால் நீங்கள் மகிழ்ச்சியாக இருப்பீர்கள். உங்கள் வங்கிக் கடன் எந்த சிக்கலும் இன்றி ஒப்புதல் பெரும். உங்கள் வணிக பங்குதாரருடன் உங்களுக்கு இருக்கும் பிரச்சனைகளுக்கு நல்ல தீர்வுகள் கிடைக்கும்.

செப்டம்பர் 4, 2023 முதல் டிசம்பர் 31, 2023 வரையிலான காலகட்டத்தில் குரு வக்கிர கதி அடைவதாலும் மற்றும் சாதகமற்ற ராகு / கேது பெயர்ச்சி ஏற்படுவதாலும் உங்கள் வளர்ச்சி பாதிக்கப்படலாம் என்பதால் நீங்கள் உங்கள் வேகத்தை குறைத்துக் கொள்ள முயற்சிக்க வேண்டும்.