வர்த்தகம் மற்றும் முதலீடுகள்

ஜனவரி 1, 2023 முதல் ஏப்ரல் 21, 2023 வரையிலான காலகட்டத்தில் உங்களுக்கு நிதி இழப்புகள் ஏற்படலாம். நீங்கள் எந்த விதமான வர்த்தகம் செய்தாலும் அதில் பணத்தை இழந்து கொண்டே இருப்பீர்கள். ஒரே இரவில் நீங்கள் வைத்திருக்கும் பணத்தை இழக்கும் சூழல் ஏற்படலாம். அப்படி பண இழப்பு ஏற்பட்டால், அதில் இருந்து நீங்கள் மீண்டு வர 5 முதல் 1௦ ஆண்டுகள் வரையிலும் கூட ஆகலாம்.

நீங்கள் வீடு கட்ட உள்ளீர்கள் அல்லது ரியல் எஸ்டேட் ப்ரோஜெக்ட்டுகளில் வேலை பார்த்துக் கொண்டிருக்கின்றீர்கள் என்றால், உங்களுக்கு எதிரான துரோகம், அரசின் கொள்கைகளில் மாற்றம், நாணய மதிப்பில் மாற்றம் போன்ற காரணங்களால் பெரும் அளவு பணத்தை இழக்க நேரலாம். ஏப்ரல் 21, 2023 வரை முதலீடுகள் சார்ந்த சொத்துக்களை வாங்குவதை தவிர்த்துவிடுங்கள். உங்கள் வீட்டில் வாடகைக்கு இருப்பவர்களுடன் உங்களுக்கு பிரச்சனைகள் ஏற்படலாம்.

உங்களிடம் இருக்கும் பணத்தை நீங்கள் பாதுகாப்பான வங்கி சேமிப்பு, நிரந்தர வைப்பு நிதி போன்றவற்றில் போட்டு வைப்பது நல்ல யோசனையாக இருக்கும். ஏப்ரல் 21, 2023 முதல் செப்டம்பர் 4, 2023 வரையிலான காலகட்டத்தில் பங்குச்சந்தை முதலீடுகளை நீங்கள் செய்யலாம். இந்த காலகட்டத்தில் குரு பகவான் உங்கள் பாக்கிய ஸ்தானத்தில் சஞ்சரிப்பதன் பலத்தால் நீங்கள் நல்ல லாபத்தைப் பெறுவீர்கள். உங்கள் மகா தசை சாதகமாக இருந்தால், நீங்கள் விண்ணைத் தொடும் லாபத்தை இந்த காலகட்டத்தில் பெறுவீர்கள்.

மீண்டும் செப்டம்பர் 4, 2023 முதல் டிசம்பர் 31, 2023 வரையிலான காலகட்டத்தில் சாதகமற்ற குரு, ராகு மற்றும் கேதுவின் நிலை உண்டாவதால் நீங்கள் பங்குச்சந்தை வர்த்தகத்தை தவிர்க்க வேண்டும். சனி பகவான் நவம்பர் மற்றும் டிசம்பர் 2023 மாதங்களில் உங்கள் முதலீடுகளில் அதிக இழப்புகளை ஏற்படுத்துவார்.