குடும்பம் மற்றும் உறவுகள்

உங்கள் வாழ்க்கைத்துணை, குழந்தைகள் மற்றும் உறவினர்களுடன் நீங்கள் இந்த ஆண்டின் தொடக்கத்தில் கடுமையான வாக்குவாதங்கள் மற்றும் சண்டைகளில் ஈடுபட நேரலாம். உங்கள் கோபம் அதிகரிக்கும். நீங்கள் உங்கள் கட்டுப்பாட்டை இழந்து தவறான வார்த்தைகளை பேசி விட நேரலாம். ஜனவரி 1, 2023 முதல் ஏப்ரல் 21, 2023 வரையிலான காலகட்டத்தில் உங்களுக்கு இருக்கும் பிரச்சனைகள் உங்கள் கட்டுபாட்டை மீறி போகலாம். நீங்கள் பயணம் அல்லது உத்தியோகம் காரணமாக தற்காலிகமாக உங்கள் குடும்பத்தினரை விட்டு பிரிய நேரலாம்.
உங்கள் குழந்தைகள் உங்களுக்கு கடினமான நேரத்தை உண்டாக்குவார்கள். சுப காரியங்கள் நிகழ்த்துவதில் உங்களுக்கு அதிக சவால்கள் ஏற்படலாம். உங்கள் மகா தசை பலவீனமாக இருந்தால், ஜனவரி 1, 2023 முதல் ஏப்ரல் 21, 2023 வரையிலான காலகட்டத்தில் நீங்கள் அவமானபப்டும் சூழல் ஏற்படலாம். நீங்கள் சட்ட விடயங்களில் எதிர்பார்த்த பலன் இந்த காலகாட்டத்தில் கிடைக்காமல் போகலாம். குழந்தை காவல், ஜீவனாம்சம் மற்றும் விவாகரத்து போன்ற வழக்குகளால் உங்களுக்கு இருக்கும் மன நிம்மதி பாதிக்கப்படலாம். சுதர்சன மகா மந்திரம் கேட்டு நீங்கள் எதிரிகளிடம் இருந்து பாதுகாப்பை பெற முயற்சி செய்ய வேண்டும்.

உங்களுக்கு நல்ல செய்தி என்னவென்றால், குரு உங்கள் ராசியின் 7 ஆம் வீடான களத்திற ஸ்தானத்திற்கு பெயர்ச்சி ஆவது தான். ஏப்ரல் 21, 2023 முதல் செப்டம்பர் 4, 2023 வரையிலான காலகட்டத்தில் உங்கள் குடும்பத்தில் இருக்கும் பிரச்சனைகளை நீங்கள் சரி செய்து விடுவீர்கள். நீங்கள் இந்த நேரத்தை பயன்படுத்திக் கொண்டு முக்கிய முடிவுகள் எடுக்க முயற்சி செய்யலாம். புது வீட்டிற்கு குடி பெயரவும் இது நல்ல நேரம். சுப காரியங்கள் நிகழ்த்தும் விடயங்களில் நீங்கள் வெற்றி பெறுவீர்கள். உங்கள் குடும்பம் சமுதாயத்தில் நல்ல பெயரையும் புகழையும் பெரும்.
செப்டம்பர் 4, 2023 முதல் டிசம்பர் 31, 2023 வரையிலான காலகட்டத்தில் உங்களால் எந்த நல்ல பலனையும் எதிர்பார்க்க முடியாது. வக்கிர கதி அடைந்த குருவும் மற்றும் சனி பகவான் உங்கள் ராசியின் 5 ஆம் வீட்டில் சஞ்சரிப்பதாலும் உங்களுக்கு குடும்பத்தில் புதிய பிரச்சனைகள் தோன்றத் தொடங்கும். நீங்கள் மிகவும் பொறுமையாக இருந்து இந்த கடினமான பாகத்தை கடக்க முயற்சி செய்ய வேண்டும்.