உடல்நலம்

சாதகமற்ற குரு, சனி பகவான் மற்றும் ராகுவின் பெயர்ச்சியால் உங்கள் உடல்நலம் பாதிக்கப்படலாம். ஜனவரி 1, 2023 முதல் ஏப்ரல் 21, 2023 வரையிலான காலகட்டத்தில் நீங்கள் தூக்கம் இல்லாத பல இரவுகளை கடக்க நேரலாம். கேது உங்கள் ஜென்ம ஸ்தானத்தில் சஞ்சரிப்பதால் உங்களுக்கு மனக் கவலை மற்றும் பதற்றம் அதிகரிக்கலாம். குரு உங்களுக்கு இருக்கும் இரத்த கொதிப்பை அதிகரித்து வயிற்றில் பிரச்சனைகளை ஏற்படுத்தலாம். உங்களுக்கு இருக்கும் உடல்நல பிரச்சனைகள் மேலும் சிக்கலாகி அதற்கான சரியான சிகிச்சைப் பெற முடியாமல் போகலாம். உங்கள் குடும்பத்தினர்களின் உடல்நலமும் பாதிக்கப்படலாம். உங்கள் மருத்துவ செலவுகள் அதிகரிக்கலாம்.
உங்களுக்கு நல்ல செய்தி என்னவென்றால், ஏப்ரல் 21, 2023 முதல் செப்டம்பர் 4, 2023 வரையிலான காலகட்டம் சிறப்பாக உள்ளது என்பது தான். குரு மற்றும் ராகு இணைந்து உங்கள் ராசியின் 7 ஆம் வீடான களத்திற ஸ்தானத்தில் சஞ்சரிப்பதால் நீங்கள் நல்ல மாற்றங்களைக் காண்பீர்கள். நீங்கள் அறுவைசிகிச்சை செய்து கொள்ள வேண்டும் என்றால், அதற்கு இது ஏற்ற காலமாக இருக்கும். நீங்கள் விரைவாகவும் குணமடைவீர்கள். உங்கள் உடலில் இருக்கும் கொழுப்பு சத்து மற்றும் சர்க்கரையின் அளவு குறைந்து இயல்பான நிலைக்கு வரும்.

ஆனால், செப்டம்பர் 4, 2023 முதல் டிசம்பர் 31, 2023 வரையிலான காலகட்டத்தில் உங்களுக்கு மனக் கவலை மற்றும் பதற்றம் ஏற்படலாம். உங்கள் மகா தசை பலவீனமாக இருந்தால், நவம்பர் மற்றும் டிசம்பர் 2023 வாக்கில் உங்களுக்கு மன அழுத்தம் ஏற்படலாம். தினமும் காலையில் ஆதித்ய ஹிருதயம் மற்றும் ஹனுமான் சாலிசா கேட்பதால் நீங்கள் அதிக பலத்தைப் பெறலாம்.