ஏப்ரல் 21, 2023 முதல் செப்டம்பர் 04, 2023 வரை சிறப்பான முன்னேற்றம் (70 / 100)

இந்த பாகத்தில் குரு உங்கள் ராசியின் 7 ஆம் வீட்டில் சஞ்சரிப்பதால் உங்கள் வாழ்க்கையில் நீங்கள் சிறப்பான முன்னேற்றத்தையும் மற்றும் நல்ல மாற்றங்களையும் காண்பீர்கள். குரு ராகுவுடன் இணைந்து சஞ்சரித்து ராகுவால் ஏற்படக்கூடிய பாதகமான தாக்கங்களை குறைப்பார்கள். குரு உங்கள் ஜென்ம ராசியை பார்வை இடுவதால் கடந்த மாதங்களில் உங்களுக்கு ஏற்பட்ட வலி மிகுந்த சம்பவங்களில் இருந்து வெளியில் வர உங்களுக்கு நல்ல பலத்தை தருவார். சனி பகவான் உங்கள் ராசியின் 5 ஆம் வீட்டில் சஞ்சரிப்பதன் தாக்கம் குறையும். நீங்கள் உங்களுக்கு இருக்கும் மனக் கவலை மற்றும் மன அழுத்தத்தில் இருந்து வெளியில் வருவீர்கள். உங்கள் உறவுகளுடன் உங்களுக்கு இருந்த பிரச்சனைகளுக்கு நல்ல தீர்வு கிடைக்கும். நீங்கள் இதனால் இந்த காலகட்டத்தை பயன்படுத்திக் கொண்டு உங்கள் உறவுகளை பலப்படுத்திக் கொள்ள முயற்சிக்க வேண்டும்.
உங்களுக்கு இருக்கும் வேலை பளு மற்றும் பதற்றம் குறையும். நீங்கள் புது வேலை வாய்ப்புக்கு முயற்சிக்கலாம். உங்களுக்கு நல்ல பதவியுடனும் மற்றும் நல்ல சம்பளத்துடனும் நல்ல நிறுவனத்தில் இருந்து வேலை வாய்ப்பு கிடைக்கும். நீண்ட காலமாக நீங்கள் பதவி உயர்வுக்காக காத்திருந்தால், அது இந்த காலகட்டத்தில் கிடைக்க வாய்ப்பு உள்ளது. அலுவலகத்தில் உங்களுடன் வேலை பார்ப்பவர்களுடன் உங்குக்கு இருக்கும் நட்பில் முன்னேற்றம் ஏற்படும்.

தொழில்முனைவோர்கள் புதிய ப்ரோஜெக்ட்டுகள் கிடைப்பதால் நல்ல முன்னேற்றத்தை காண்பார்கள். ஃப்ரீலான்ஸர்கள் மற்றும் கமிசன் ஏஜெண்டுகள் தங்களுக்கு கிடைக்கும் வெகுமதிகளால் மகிழ்ச்சியாக இருப்பார்கள்.
பங்குகளில் நீங்கள் செய்யும் முதலீடுகள் இந்த பாகத்தில் உங்களுக்கு நல்ல லாபத்தை தரும். ஆனால், நீங்கள் ஸ்பெகுலேடிவ் வர்த்தகம் செய்ய இருந்தால், அதற்கு உங்கள் பிறந்த சாதக பலனின் ஆதரவும் இருக்க வேண்டும். புது வீடு வாங்கி குடி பெயர இது நல்ல நேரம். புது சொத்துக்கள் வாங்குவது மற்றும் சொத்துக்களில் முதலீடு செய்வது போன்ற முயற்சிகளில் நீங்கள் வெற்றிப் பெறுவீர்கள்.