நவம்பர் 04, 2023 முதல் டிசம்பர் 31, 2023 வரை திடீர் பின்னடைவுகள் (35 / 100)

எதிர்பாராவிதமாக இது உங்களுக்கு ஒரு கடுமையான சோதனை காலமாக இருக்கும். அர்தாஷ்டம சனியின் பாதகமான தாக்கம் இந்த பாகத்தில் அதிகம் உணரப்படும். ராகு உங்கள் ராசியின் 6 ஆம் வீட்டில் சஞ்சரித்து உங்களுக்கு இருக்கும் மனக்கவலை மற்றும் பதற்றத்தை அதிகரிப்பார். உங்களுக்கு இருக்கும் மன அழுத்தம் மற்றும் பதற்றம் அதிகரிக்கும். நீங்கள் இதனால் உங்கள் குடும்பத்தில் இருப்பவர்களிடம் கடுமையான வார்த்தைகளை பேசி விட நேரலாம். இது அவர்களுடன் உங்களுக்கு இருக்கும் உறவை பாதிக்கலாம். இந்த பாகத்தில் சுப காரியங்கள் நிகழ்த்துவதை தவிர்த்துவிடுங்கள்.
அலுவலகத்தில் நடக்கும் அரசியல் மற்றும் உங்களுக்கு எதிரான சதியால் நீங்கள் பாதிக்கப்படலாம். நீங்கள் உங்கள் மேலாளரை மகிழ்ச்சி அடையச் செய்ய அதிக நேரம் கடுமையாக உழைக்க வேண்டிய சூழல் ஏற்படலாம். உங்களால் உத்தியோகத்தில் எந்த வளர்ச்சியையும் எதிர்பார்க்க முடியாது. சம்பள உயர்வு மற்றும் வெகுமதிகள் பெரும் விடயங்களில் உங்களுக்கு ஏமாற்றம் ஏற்படலாம். உங்களை விட குறைந்த நிலையில் இருக்கும் ஊழியருக்கு உங்களை விட உயர் நிலைக்கு பதவி உயர்வு கிடைக்கலாம். வேறு புதிய வேலை வாய்ப்புக்கு முயற்சிக்க இது ஏற்ற நேரம் இல்லை.

உங்கள் வருமானம் அதிகரிக்கும் செலவுகளால் பாதிக்கப்படலாம். உங்களுக்கு தேவையற்ற மற்றும் எதிர்பாராத செலவுகள் ஏற்படலாம். நீங்கள் உங்கள் வாகனம் மற்றும் வீட்டு பராமரிப்பு போன்ற காரணங்களுக்காக அதிக பணம் செலவு செய்ய நேரலாம். பங்கு சந்தை வர்த்தகம் உங்களுக்கு அதிக இழப்பை ஏற்படுத்தலாம். நீங்கள் பங்குச்சந்தை வர்த்தகம் மற்றும் சூதாட்டம் போன்றவற்றிற்கு இந்த பாகத்தில் அடிமையாகும் சூழல் ஏற்படலாம். நீங்கள் இதனால் அதிக பணத்தை இழப்பீர்கள். நீங்கள் இந்த பாகத்தில் பங்குச்சந்தை வர்த்தகம் செய்வதை முற்றிலுமாக தவிர்க்க வேண்டும். ரியல் எஸ்டேட் சொத்துக்களில் முதலீடு செய்யவும் இது ஏற்ற நேரம் இல்லை.