செப்டம்பர் 04, 2023 முதல் நவம்பர் 04, 2023 வரை திடீர் பின்னடைவுகள் (45 / 100)

இது உங்களுக்கு எதிர்பாராத பின்னடைவை ஏற்படுத்தக் கூடிய காலமாக இருக்கலாம். சனி பகவான் உங்கள் ராசியின் 1௦ ஆம் வீட்டில் வக்கிர நிவர்த்தி அடையும் போது கேது உங்கள் ராசியின் 5 ஆம் வீட்டில் சஞ்சரிப்பார். இதனால் உங்களுக்கு மனக் கவலை மற்றும் பதற்றம் ஏற்படலாம். உங்கள் குழந்தைகள் உங்கள் பேச்சை கேட்க மாட்டார்கள். உங்கள் குடும்பத்தில் தேவையற்ற வாக்குவாதங்கள் ஏற்படலாம். குடும்பத்தில் அதிகரிக்கும் பிரச்சனைகளால் உங்கள் மன நிம்மதி பாதிக்கப்படலாம். இந்த காலகட்டத்தில் சுப காரியங்கள் நிகழ்த்துவதை தவிர்த்துவிடுங்கள்.
உங்கள் உத்தியோகத்தில் இருக்கும் வளர்ச்சி பாதிக்கப்படலாம். அலுவலகத்தில் நடக்கும் மாற்றங்களால் உங்களுக்கு இருக்கும் முக்கியத்துவத்தை நீங்கள் இழக்க நேரலாம், உங்களுக்கு கிடைக்க இருக்கும் பதவி உயர்வு தாமதமாகலாம். உங்களக்கு எதிர்பார்த்த சம்பளம் மற்றும் போனஸ் கிடைக்காததால் நீங்கள் ஏமாற்றம் அடையலாம். நீங்கள் உங்கள் எதிர்பார்ப்புகளை குறைத்துக் கொண்டு தற்போது இருக்கும் நிலையை பாதுகாத்துக் கொண்டு உங்கள் வாழ்வாதாரத்திற்காக உத்தியோகத்தை தக்க வைத்துக் கொள்ள முயற்சிக்க வேண்டும். தொழில்முனைவோர்கள் எதிர்பாராத பின்னடைவுகளை சந்திக்க நேரலாம். உங்களுக்கு எதிராக நடக்கும் சதியால் உங்கள் போட்டியாளர்களிடம் நீங்கள் உங்கள் ப்ரோஜெக்ட்டை இழக்க நேரலாம்.

உங்கள் நிதி நிலை மிகவும் மோசமாக பாதிக்கப்படலாம். உங்கள் வங்கிக் கடன் சரியான நேரத்தில் ஒப்புதல் பெறாமல் போகலாம். சொத்துக்கள் விற்கும் விடயங்களில் தாமதங்களும் தடைகளும் ஏற்படலாம். பங்குச்சந்தை வர்த்தகம் உங்களுக்கு இழப்புகளை ஏற்படுத்தலாம். நீங்கள் பங்குச்சந்தை முதலீடுகளில் இருந்து இந்த பாக காலகட்டத்தில் விலகி இருக்க வேண்டும். எந்த ஒரு அவசர முடிவும் உங்கள் வாழ்க்கையில் பெரும் அளவு நிதி இழப்பை ஏற்படுத்திவிடலாம்.